Dövlət Təhlükəsizliyi Xidmətinin Mətbuat xidmətinin məlumatı

rehberlik
Tədbirlər 27 Sentyabr 2022

19:40

DTX-nin Mədəniyyət Mərkəzində Anım Günü ilə bağlı tədbir keçirilmişdir

27 Sentyabr - Anım Günü ilə əlaqədar Dövlət Təhlükəsizliyi Xidmətinin (DTX) Mədəniyyət Mərkəzində Bakı Bələdiyyə Teatrının əməkdar artist, rejissor Bəhruz Vaqifoğlunun “Sən qayıdacaqsan” adlı pyesi əsasında hazırladığı eyniadlı tamaşa nümayiş olunmuşdur. Tarix boyu Azərbaycan xalqına qarşı xüsusi amansızlıq və qəddarlıqla törədilən kütləvi qırğınlardan, müharibələrdə yaxınlarını itirən insanların acı taleyindən bəhs edən tamaşada Vətən müharibəsi iştirakçıları, DTX-nin əməkdaşları və Azərbaycan təhlükəsizlik orqanlarının veteranları, DTX-nin Heydər Əliyev adına Akademiyasının kursantları və hərbi hissəsinin əsgərləri iştirak etmişlər.

Səhnə əsəri tamaşaçılar tərəfindən böyük maraqla qarşılanmışdır.