NÜSXƏ № 1

AZƏRBAYCAN RESPUBLİKASININ NAZİRLƏR KABİNETİ

QƏRAR

№ 212-23

Bakı şəhəri, “15” sentyabr 2006 il

“Əməliyyat-axtarış fəaliyyəti prosesində gizli qaydada informasiya

 alınması üçün nəzərdə tutulmuş xüsusi texniki vasitələrin növlərinin

siyahısı”nın təsdiq edilməsi haqqında Azərbaycan Respublikası

Nazirlər Kabinetinin 2000-ci il 15 avqust tarixli 139-6 nömrəli 

qərarına əlavə və dəyişikliklər edilməsi barədə

1.     Azərbaycan Respublikası Nazirlər Kabinetinin 2000-ci il 15 avqust tarixli 139-6 nömrəli qərarı ilə təsdiq edilmiş “Əməliyyat-axtarış fəaliyyəti prosesində gizli qaydada informasiya alınması üçün nəzərdə tutulmuş xüsusi texniki vasitələrin növlərinin siyahısı”na aşağıdakı əlavələr və dəyişikliklər edilsin;

-      3 –cü bənddə “rabitə kanallarından” sözlərindən sonra “və güc kabel xətlərindən” sözləri əlavə edilsin;

-      4-cü bənd aşağıdakı redaksiyada verilsin:

“Poçt, teleqraf və digər göndərişlərin yoxlanılması zamanı istifadə olunan proqram və xüsusi texniki vasitələr;

-      15-ci bənddə “üçün” sözündən sonra “proqram və” sözləri əlavə edilsin;

-      15-ci bənddən sonra aşağıdakı redaksiyada 16-cı bənd əlavə edilsin; 

“16. Elektron rəqəmli şifrlənmiş məlumatların açılışı üçün proqram və xüsusi texniki vasitələr”.

2.     Bu qərar imzalandığı gündən qüvvəyə minir.

         Azərbaycan Respublikasının

                      Baş naziri                                                                                                A.Rasi-zadə